| |
| இளையான்குடி தொகுதியில் கோயில் திருப்பணிக்கு ரூ.90 லட்சம் ஒதுக்கீடு May 17, 10 |
| |
சிவகங்கை,மே 15: சிவகங்கை மாவட்டம், இளையான்குடி தொகுதியைச் சேர்ந்த 3 கோயில்களின் திருப்பணிக்கு அறநிலையத் துறை சார்பில் ரூ.90 லட்சம் ஒதுக்கப்பட்டு இருப்பதாக சு.ப.மதியரசன் எம்எல்ஏ தெரிவித்தார்.
இதுதொடர்பாக அவர் வெளியிட்டுள்ள அறிக்கையில், இளையான்குடி தொகுதி மக்களின் நீண்ட கால கோரிக்கையை ஏற்று இந்து சமய அறநிலையத்துறை அமைச்சர் கே.ஆர்.பெரியகருப்பன் நிதி ஒதுக்கீடு செய்துள்ளார்.
தாயமங்கலம் முத்துமாரியம்மன் கோயிலில் 5 நிலை ராஜகோபுரம் அமைக்க ரூ 35 லட்சம் ஒதுக்கப்பட்டுள்ளது. இதே போன்று இளையான்குடி தொகுதி ஆனந்தூரில் உள்ள திருமேனிநாதர் கோயில் திருப்பணிக்கு ரூ. 30 லட்சமும், ராதானூர் தில்லை நாதர் திருக்கோயில் திருப்பணிகளுக்காக ரூ 25 லட்சமும் ஒதுக்கீடு செய்துள்ளார். இதற்காக தொகுதி மக்கள் சார்பில் நன்றி தெரிவித்துக்கொள்கிறேன் என சுப.மதியரசன் தெரிவித்துள்ளார்.
source : Dinamani |
| |
| |
|
|
|
