| |
| திருப்பத்தூர்: ரயில் டிக்கெட் முன்பதிவு மையம் துவக்கம் Apr 21, 10 |
| |
திருப்பத்தூர், ஏப். 18: சிவகங்கை மாவட்டம், திருப்பத்தூர் தபால் அலுவலகத்தில் ரயில் டிக்கெட் முன்பதிவு மையம் வெள்ளிக்கிழமை முதல் துவங்கப்பட்டுள்ளது.
நிகழ்ச்சிக்கு, ரயில்வே கோட்ட வணிக மேலாளர் சுந்தர் முன்னிலை வகித்தார். அஞ்சல் கோட்ட கண்காணிப்பாளர் குழந்தைசாமி வரவேற்றார். முன்பதிவு மையத்தை மதுரை தென்மண்டல அஞ்சல் சேவைகள் இயக்குநர் ஜெயசங்கர் துவக்கி வைத்தார். இந்த மையம், அஞ்சல வேலை நாள்களில் காலை 8 மணி முதல் மாலை 2.30 வரை செயல்படும்.
டிக்கெட் முன்பதிவு செய்ய எந்த அடையாள அட்டையும் தேவை இல்லை. இந்தியா முழுவதும் உள்ள ரயில்களுக்கு இங்கு முன்பதிவு செய்து கொள்ளலாம். டிக்கெட்டை ரத்து செய்துகொள்ளும் வசதியும் உள்ளது.
இந்த சேவை, தமிழகத்தில் ஸ்ரீபெரும்புதூருக்கு அடுத்தபடியாக திருப்பத்தூரில் மட்டுமே உள்ளது.
இதன் துவக்க நிகழ்ச்சியில், உதவிக் கோட்டக் கண்காணிப்பாளர் ரகுபதி, கணினி மேலாளர் மதிவாணன், விற்பனை அதிகாரி ஜெயசீலன், சேவியர், ஆய்வாளர் உமா, ஆகியோர் பங்கேற்றனர்.
Source:Dinamani |
| |
| |
|
|
|
