| |
| கல்லூரி மாணவர்களுக்கான தொழில்முனைவுப் பயிற்சி Feb 1, 10 |
| |
பொன்னமராவதி அருகே உள்ள மேலைச்சிவபுரி கணேசர் கலை அறிவியல் கல்லூரியில் மாணவர்களுக்கான தொழில்முனைவுப் பயிற்சி அண்மையில் நடைபெற்றது.
கல்லூரி நிர்வாகம் மற்றும் பாரதிதாசன் பல்கலைக்கழக தொழில் முனைவோர் சுயவேலை மேம்பாட்டு நிறுவனம் ஆகியவை இணைந்து நடத்திய இந்தப் பயிற்சியின் தொடக்க நிகழ்ச்சிக்கு, கல்லூரியின் பொறுப்பு முதல்வர் க. அரங்கநாதன் தலைமை வகித்தார். பேராசிரியர் தி. பூங்குன்றன் முன்னிலை வகித்தார்.
தமிழக உணவக உரிமையாளர்கள் சங்க இணைச் செயலர் சண்முக. பழனியப்பன், இந்தியன் ஓவர்சீஸ் வங்கியின் பொன்னமராவதி கிளை முதுநிலை மேலாளர் முப. வள்ளியப்பன், புதுக்கோட்டை தொழில் முனைவோர் மேம்பாட்டு மைய முதன்மை ஆலோசகர் ச. பிரிதிவிராஜ்,புதுக்கோட்டை மாவட்ட வர்த்தக சங்கத் தலைவர் ஆர். சேவியர் ஆகியோர் பயிற்சி அளித்தனர். சன்மார்க்க சபைத் தலைவர் ப.சா. சிங்காரம் சிறப்புரையாற்றினார். பயிற்சியில் பங்கேற்ற மாணவ,மாணவியர் 100 பேருக்கும் அவர் சான்றிதழ்களை வழங்கினார். மாலை நேரக் கல்லூரிச் செயலர் அ. சுவாமிநாதன் வாழ்த்திப் பேசினார்.
முன்னதாக, பயிற்சி ஒருங்கிணைப்பாளர் நா. விஜயரகுநாதன் வரவேற்றார். நிறைவில், பயிற்சி துணை ஒருங்கிணைப்பாளர் எம். காசிவைரவன் நன்றி கூறினார்.
source : Dinamani |
| |
| |
|
|
|
