| |
| ராணி மெய்யம்மை பிறந்தநாள் பரிசு: விண்ணப்பங்கள் வரவேற்பு Aug 29, 12 |
| |
ராணி லேடி மெய்யம்மை ஆச்சியின் பிறந்தநாள் பரிசுத் தொகை ரூ.2 லட்சம் பெற தகுதியான பெண் சேவகர்கள், சேவை நிறுவனங்களிடமிருந்து விண்ணப்பங்கள் வரவேற்கப்படுகின்றன.
இது குறித்து ராஜா சர் அண்ணாமலை செட்டியார் நினைவு அறக்கட்டளை வெளியிட்டுள்ள செய்திக் குறிப்பு:
பெண் இனத்துக்கான சேவைப் பணிகளில் ஈடுபட்டு வரும் பெண் சேவகர்கள் அல்லது சேவை நிறுவனங்களுக்கு ரூ.2 லட்சம் பரிசுத் தொகை வழங்கப்பட உள்ளது.
பரிசு பெறத் தகுதியான சேவை நிறுவனங்கள், பெண்களுக்காக அவர்கள் ஆற்றி வரும் சேவைகள் குறித்த தகவல்களுடன் 2011-12-ம் ஆண்டுக்கான கணக்கு தணிக்கை நகல் மற்றும் சேவை நிறுவனம் பதிவு செய்யப்பட்டதற்கான சான்றிதழையும் இணைத்து விண்ணப்பிக்க வேண்டும்.
விண்ணப்பங்களை "செயலாளர், ராஜா சர் அண்ணாமலை செட்டியார் நினைவு அறக்கட்டளை, ராணி சீதை மன்றம், 603, அண்ணா சாலை, சென்னை - 600 006' என்ற முகவரிக்கு செப்டம்பர் 10-ம் தேதிக்குள் அனுப்ப வேண்டும். தேர்ந்தெடுக்கப்படும் சேவகர் அல்லது சேவை நிறுவனத்துக்கு அக்டோபர் 11-ம் தேதி நடைபெறும் பிறந்தநாள் விழாவில் பரிசு வழங்கப்படும். |
| |
| |
|
|
|
