| |
| தேவகோட்டை : கண்டதேவி சொர்ணமூர்த்தீஸ்வரர் கோயிலில் பிப். 5ல் கும்பாபிஷேகம் Jan 27, 12 |
| |
கண்டதேவி சொர்ணமூர்த்தீஸ்வரர் கோயிலில் பிப்.5ல் கும்பாபிஷேகம் நடக்கிறது. தேவகோட்டை கண்டதேவியில் சிவகங்கை தேவஸ்தானத்திற்கு சொந்தமான சொர்ணமூர்த்தீஸ்வரர் கோயில் உள்ளது. கடந்த ஆட்சியில் இக்கோயிலில் மராமத்து பணிகள் செய்யப்பட்டு கும்பாபிஷேகம் நடத்த ரூ.55 லட்சம் ஒதுக்கப்பட்டது.
இந்த பணி காரணமாக கடந்த 4 ஆண்டுகளாக தேரோட்டம் நடக்கவில்லை. கும்பாபிஷேகத்தை விரைவாக நடத்தி தேரோட்டம் நடத்த மக்கள் கோரிக்கை விடுத்தனர். இதனை தொடர்ந்து சோமநாராயணன் தலைவராகவும், செயலராக வெங்கிடாசலம், பொருளாளராக சேவுகன் கொண்ட திருப்பணிக்குழு அமைக்கப்பட்டது.
கும்பாபிஷேகம்: புது பொலிவுடன் காட்சியளிக்கும் சொர்ணமூர்த்தீஸ்வரர் கோயில் , அருகில் குங்குமகாளியம்மன் கோயில், தேரடி கருப்பர் கோயில்களின் கும்பாபிஷேகம் வரும் பிப். 5 தேதி நடைபெறவுள்ளது. ஸ்தானிகம் சந்திரசேகர குருக்கள் மேற்பார்வையில் யாகசாலை அமைக்கும் பணி நடந்து வருகிறது.
source : Dinamalar |
| |
| |
|
|
|
