| |
| கொங்கரத்தி வண்புகழ் நாராயண பெருமாள் கோயில் கும்பாபிஷேகம் May 29, 15 |
| |
கொங்கரத்தி வண்புகழ் நாராயண பெருமாள் கோயில் கும்பாபிஷேகம் வெள்ளிக்கிழமை நடைபெற்றது.
இதை முன்னிட்டு, கடந்த புதன்கிழமை மகாசாந்தி ஹோமத்துடன் யாகசாலை பூஜை தொடங்கியது. அன்று இரவு 10 மணிக்கு அஷ்டபந்தன மருந்து சாத்துதல் நிகழ்ச்சியும், மறுநாள் காலை 8 மணி முதல் விசேஷ ஹோமங்களும், மதியம் 12.30 மணிக்கு பூர்ணாஹூதி சாற்றும் முறையும் நடைபெற்றது.
கும்பாபிஷேக நாளான வெள்ளிக்கிழமை அதிகாலை 5 மணிக்கு, கோயிலில் விஸ்வரூபம் மற்றும் திருப்பள்ளி எழுச்சி நடைபெற்றது.
காலை 6 மணிக்கு மேல் புண்யாகம், நித்தியஹோமம், மகாபூர்ணாஹூதி, கும்பசாமரோபனம் மற்றும் கடம் புறப்பாடு நடைபெற்றது.
காலை 9 மணியளவில், பட்டாச்சாரியார்கள் வேதமந்திரங்கள் முழங்க, வானில் கருடர் வட்டமிட குடமுழுக்கு நன்னீராட்டு விழா நடைபெற்றது.
தொடர்ந்து, மாலை 5 மணிக்கு திருக்கல்யாண மஹோத்சவம் நடைபெற்றது. பின்னர், சுவாமி திருவீதி புறப்பாடும் நடைபெற்றது. |
| |
| |
|
|
|
